മെട്രിക് മേളയ്ക്കായി സ്കൂൾ ഒരുങ്ങുന്നു

മെട്രിക് മേള ഒരുത്സവമാക്കി മാറ്റാനായി സ്കൂൾ ഒരുങ്ങിക്കഴിഞ്ഞു. SMC,കുടുംബശ്രീ,അയൽക്കൂട്ടം ഇവയുടെ സഹകരണത്തോടെ സ്വാഗതസംഘം യോഗം ചേർന്നു.

 തുടർന്ന് സ്വാഗതസംഘം യോഗം ചേർന്ന്   ഫെബ്രുവരി 7ാം തീയതി മെട്രിക് മേള നടത്താൻ തീരുമാനിച്ചു.  മേളയിലെ ഇനങ്ങൾ നിശ്ചയിച്ചു.കുട്ടികളുടെ മെട്രിക് അളവുമായി ബന്ധപ്പെട്ട ഉല്പന്ന പ്രദർശനത്തോടൊപ്പം ഭക്ഷ്യമേളയും നടത്താൻ തീരുമാനമായി.കുടുംബശ്രീകൾ തയാറാക്കുന്ന മറ്റുല്പന്നങ്ങളും പച്ചക്കറികൾ, പുസ്തകങ്ങൾ തുടങ്ങിയവയും വിപണനത്തിനായി എത്തിയ്ക്കാൻ തീരുമാനിച്ചു.എല്ലാം വിനിമയം ചെയ്യുന്നത് കുട്ടികൾ തന്നെ.നോട്ടീസ്,ബാനർ,പോസ്റ്റർ എന്നിവ അധ്യാപകർ സ്വയം തയാറാക്കി.നോട്ടീസ് നാട്ടിലാകെ വിതരണം ചെയ്തിട്ടുണ്ട്.

മെട്രിക് മേളയ്ക്കായി ഞങ്ങൾ കാത്തിരിയ്ക്കുന്നു

കോർണർ PTA - സ്കൂൾ പ്രവർത്തനങ്ങൾ സമൂഹത്തി൯െറ മുമ്പിലേക്ക്

കോർണർ PTA

നടുഭാഗം ഗവ.സ്കൂളിൻെറ കോർണർ PTA 2015 ഫെബ്രുവരി 1 ന് നെടുമുടി ഗവ.ആയുർവേദ ആശുപത്രിയിൽ വെച്ച് നടത്തപ്പെട്ടു.

SMC യോഗം ചേർന്ന് വേദി,തീയതി,സമയം എന്നിവ തീരുമാനിച്ചു.

നോട്ടീസ്,പോസ്റ്റർ,ബാനർ എന്നിവ  തയാറാക്കി.

കുടുംബശ്രീ,അയൽക്കൂട്ടം എന്നിവയുടെ പങ്കാളിത്തവുമുണ്ടായിരുന്നു.

കുട്ടികൾ തന്നെയാണ് പരിപാടികൾ അനൗൺസ് ചെയ്തത്.

സ്വാഗതം,നന്ദി എന്നിവ അവതരിപ്പിച്ചതും കുട്ടികൾ തന്നെ.കൂടാതെ English action songs, skit,English speech,choreography,കവിതാലാപനം,സംഘനൃത്തം എന്നിവയുമുണ്ടായിരുന്നു.

 ഈ വർഷത്തെ മുഴുവൻ സ്കൂൾ പ്രവർത്തനങ്ങളും പ്രൊജക്റ്ററിൻെറ സഹായത്തോടെ പ്രദർശിപ്പിച്ചു.  

കുട്ടികളുടെ പഠനോല്പന്നങ്ങൾ,പതിപ്പുകൾ,ചുമർപത്രങ്ങൾ,നോട്ടുബുക്കുകൾ എന്നിവയും പ്രദർശിപ്പിച്ചു.

കുട്ടികളുടെ പരിപാടികളും അവതരണവും പ്രൊജക്റ്റർ വിനിയോഗവും ഏറെ പ്രശംസ പിടിച്ചുപറ്റി.

ഞങ്ങളുടെ കുട്ടികളുടെ രക്ഷിതാക്കൾ വേദിയിൽ പങ്കുവെച്ച അനുഭവങ്ങൾ ആണ് ഞങ്ങൾക്കുള്ള അംഗീകാരം.

പുതുവത്സരദിനത്തിൽ ഞങ്ങൾ പ്രസിദ്ധീകരിച്ച സ്ക്കൂൾ പത്രം കമ്പ്യൂട്ടറിൽ ടൈപ്പ് ചെയ്തു പത്രരൂപത്തിലാക്കിയപ്പോൾ ഏറെ ആകർഷകം.

ലളിതമായി ഈ പത്രം കമ്പ്യൂട്ടറിൽ തയാറാക്കാൻ കഴിയുമെന്ന് ഡയറ്റ് ഫാക്കൽറ്റിയായ സുലഭ ടീച്ചർ പറഞ്ഞപ്പോൾ ആശങ്കയായിരുന്നു ആദ്യം.ചെയ്തു കഴിഞ്ഞപ്പോൾ ഏറെ സന്തോഷം. തങ്ങളുടെ പത്രം ഈ രൂപത്തിൽ കണ്ടപ്പോൾ കുട്ടികൾ പറഞ്ഞു,ടീച്ചറേ അടിപൊളി.

ഞങ്ങളുടെ ആദ്യവിദ്യാലയപത്രം തയ്യാർ

ഡിസംബർ മാസത്തെ വിദ്യാലയപ്രവർത്തനങ്ങളുടെ വാർത്തകളും ക്ളാസിലെ വിശേഷങ്ങളുമുൾപ്പെടുത്തി കുട്ടികൾ തയാറാക്കിയ ആദ്യപത്രം "തളിര്"

പത്രത്തിൻെറ പ്രകാശനം ഹെഡ്മിസ്ട്രസ് T.ചന്ദ്രലേഖ S.M.C മെമ്പർ ശ്രീമതി.കുമാരിയ്ക്ക് നൽകി നിർവഹിച്ചു.

                           

വായനശാലയെ അറിയാൻ

വായനശാലയിലെ പുസ്തകക്രമീകരണരീതി മനസ്സിലാക്കുന്നതിനും വായനശാലയുടെ പ്രവർത്തനം അറിയുന്നതിനുമായി ചമ്പക്കുളത്തെ അതിപുരാതനവും വായനശാലാ കൗൺസിലിൻെറ A ഗ്രേഡ് അംഗീകാരവുമുള്ള ലിയോ തേർട്ടീന്ത് വായനശാലയിലേയ്ക്കാണ് പഠനയാത്ര പോയത്.
                         3,4 ക്ളാസുകളിലെ കുട്ടികൾ ചർച്ചയിലൂടെ ചോദ്യങ്ങൾ തയാറാക്കി.ലൈബ്രറി ഓഫീസിലെത്തിയ കുട്ടികളെ ലൈബ്രേറിയൻ ശ്രീ.ജേക്കബ് സാർ സ്നേഹത്തോടെ സ്വീകരിച്ചു.  പുസ്തകരജിസ്ററർ,അംഗത്വരജിസ്ററർ തുടങ്ങിയ രജിസ്റ്ററുകളും അംഗത്വഅപേക്ഷാഫോമുകളും സാർ പരിചയപ്പെടുത്തി..കുട്ടികളുടെ ചോദ്യങ്ങൾക്ക് സാർ വളരെ ലളിതമായി ഉത്തരം നൽകി.

ചോദ്യങ്ങൾ

• പ്രവർത്തനമാരംഭിച്ച വർഷം?
• ആർക്കൊക്കെയാണ് പുസ്തകം നൽകുക?
• എങ്ങനെ അംഗമാകും?
• ഒരു സമയം എത്ര പുസ്തകങ്ങൾ കൊടുക്കും?
• ഏതൊക്കെ ഭാഷയിലെ പുസ്തകങ്ങൾ ഇവിടെയുണ്ട്?
• എടുത്ത പുസ്തകങ്ങൾ എത്ര ദിവസം കൈയിൽ വെയ്ക്കാം?
• പുസ്തകം നഷ്ടപ്പെട്ടാൽ എന്തു ചെയ്യും?

                                                      പിന്നെ പുസ്തകങ്ങൾ ക്രമീകരിച്ചിരിയ്ക്കുന്ന മുറിയിലെത്തി.  

 പുസ്തകങ്ങൾ ക്രമീകരിച്ചിരിയ്ക്കുന്നത് സാർ വിശദീകരിച്ചു.മലയാളത്തിൽ ആദ്യം അച്ചടിച്ച സംക്ഷേപവേദാർത്ഥം പോലെയുള്ള പുരാതനഗ്രന്ഥങ്ങളും അവയിലെ ലിപികളും കുട്ടികൾ നിരീക്ഷിച്ചു.

                                                 ഏറെ നേരം പുസ്തകലോകത്തേയ്ക്ക് കൂട്ടിക്കൊണ്ടുപോയ ജേക്കബ്ബ് സാറിന് നന്ദി പറഞ്ഞ് വളരെ സന്തോഷത്തോടെ കുട്ടികൾ സ്കൂളിലേയ്ക്ക് മടങ്ങി

ക്രിസ്മസ് ഫ്രണ്ടിന് സ്വയം തയാറാക്കിയ ആശംസാക്കാർഡുകൾ

ക്രിസ്മസ് ആഘോഷത്തിൻെറ ഭാഗമായി ക്രിസ്മസ് ഫ്രണ്ടിനെ തെരഞ്ഞെടുക്കണമെന്നു കുട്ടികളുടെ ആവശ്യപ്രകാരം തീരുമാനിച്ചു.ആഘോഷത്തിനായി ഒന്നിച്ചപ്പോഴാണ് ഫ്രണ്ടിനെ തെരഞ്ഞെടുക്കാനുള്ള നറുക്ക് നൽകിയത്.അതുകൊണ്ട് തങ്ങളുടെ ഫ്രണ്ടിനെയറിയാൻ ഏവരും ആകാംഷയോടെയാണ് ഓരോ വാക്കും  കേട്ടിരുന്നത്.10രൂപയുടെ സമ്മാനം എല്ലാവരും കൈയിൽ കരുതിയിരിക്കണമെന്ന് നിർദ്ദേശിച്ചിരുന്നു ഒപ്പം തങ്ങൾ തയാറാക്കിയ ആശംസാക്കാർഡുകളും.സ്വന്തം സൃഷ്ടി തൻെറ സുഹൃത്തിനു കൈമാറിയപ്പോൾ എല്ലാ മുഖങ്ങളിലും സന്തോഷം പ്രകടമായിരുന്നു.

                 

                                        ആശംസാക്കാർഡ് നിർമ്മാണം

                                      ക്ളാസുകളിൽ ചർച്ചയിലൂടെ ആശംസാവാക്യങ്ങൾ തയാറാക്കി.ഒരേ അളവിൽ ചാർട്ട്പേപ്പർ മുറിച്ച് എല്ലാവർക്കും നൽകി.

                                         ഇഷ്ടപ്പെട്ട ആശംസാ വാക്യങ്ങൾ തെരഞ്ഞെടുത്ത് ചിത്രങ്ങളും വരച്ചുചേർത്ത് ആശംസാക്കാർഡുകൾ തയാറാക്കി.

                                                   ക്രിസ്മസ് ആഘോഷത്തിൻെറ ഭാഗമായി ക്രിസ്മസ് ട്രീ തയാറാക്കൽ,കേക്കുമുറിയ്ക്കൽ  എന്നിവയുമുണ്ടായിരുന്നു.

ചാച്ചാജിസ്മരണയിൽ

                                                                      ചാച്ചാജിയുടെ ഓർമ്മ പുതുക്കി ഒരു ശിശുദിനം കൂടി.ആഘോഷപരിപാടികളെപ്പറ്റി ആലോചിക്കുന്നതിനായി 10/11/'14 ൽ  S.M.C യോഗം ചേർന്നു.ശിശുദിനറാലി,കലാപരിപാടികൾ എന്നിവയ്ക്കൊപ്പം S.S.A  യുടെ ആഭിമുഖ്യത്തിലുള്ള രക്ഷകർത്തൃസമ്മേളനവും നടത്താൻ തീരുമാനിച്ചു.

                                                   ശിശുദിനറാലി
           നാലാം ക്ലാസിലെ അജയ് കുട്ടികളുടെ പ്രധാനമന്ത്രിയായി.നെഹ്രുതൊപ്പിയണിഞ്ഞാണ് എല്ലാ കുട്ടികളും റാലിയിൽ പങ്കെടുത്തത്. ലിൻറാടീച്ചറും സുചിത്രടീച്ചറും ചേർന്നാണ് ബാനർ തയാറാക്കി.ബലൂണുകളും പ്ലക്കാർഡുകളും മുദ്രാവാക്യങ്ങളും റാലി ജീവസ്സുറ്റതാക്കി.നെടുമുടി പഞ്ചായത്ത് വൈസ് പ്രസിഡൻറ് ശ്രീ.K.P.അനിയപ്പൻ റാലി ഉദ്ഘാടനം ചെയ്തു.
                            

ബോധവത്ക്കരണക്ലാസ്

രക്ഷിതാക്കൾക്കുള്ള ബോധവത്ക്കരണക്ലാസിൽ എല്ലാ രക്ഷിതാക്കളും തന്നെ എത്തിച്ചേർന്നിരുന്നു.S.M.Cചെയർപേഴ്സൺ ശ്രീമതി രഞ്ജിനി അനിൽകുമാർ അധ്യക്ഷയായ സമ്മേളനം ശ്രീ.K.P.അനിയപ്പൻ ഉദ്ഘാടനം ചെയ്തു.ഹെഡ്മിസ്ട്രസ് ശ്രീമതി.T.ചന്ദ്രലേഖ യോഗത്തിൽ സന്നിഹിതയായിരുന്നു..

കുട്ടികളുടെ കലാപരിപാടികളായിരുന്നു ആദ്യം. L.K.Gമുതൽ നാലാം ക്ലാസ് വരെയുളള എല്ലാ ക്ലാസുകാരും പരിപാടികൾ അവതരിപ്പിച്ചു.

 ബിന്ദുടീച്ചറാണ് ക്ലാസ് നയിച്ചത്.അനുഭവങ്ങൾ പങ്കുവെച്ചും ധാരാളം ജീവിതസാഹചര്യങ്ങളെ ഉദാഹരണളിലൂടെ വിശദീകരിച്ചും ക്ലാസ് ബിന്ദുടീച്ചർ ഏറെ ആകർഷകമാക്കി. 

                              ചില രക്ഷിതാക്കളും അനുഭവങ്ങൾ പങ്കുവെച്ചു. രക്ഷിതാക്കൾക്ക് ഏറെ പ്രയോജനപ്രദമായിരുന്നു ക്ലാസെന്ന് അവർ തന്നെ പറയുകയുണ്ടായി.കുട്ടികൾക്കൊപ്പം രക്ഷിതാക്കളും ചേർന്നപ്പോൾ ഏറെ മനോഹരമായിരുന്നു റാലി.സാമൂഹികപങ്കാളിത്തത്തോടെ നടന്ന ഒരു ദിനാചരണം.